Меню сайта
Категории
Любовь и SEX [13]
Шоу Бизнес [32]
Футбол [15]
Наш опрос
Какого вы пола?
Результаты | Архив опросов
Всего ответов: 261
Реклама
SEO sprint - максимальная раскрутка сайтов!
Мини-чат
3D
Реклама
SEO sprint - максимальная раскрутка сайтов!
Фильмы онлайн
Переводи Сайт



Block title
Лучшие Фильмы

13-й район

Буря

Поезд

Покоритель Зари

Суррогаты

Ученик чародея

Чарли и шоколадная фабрика

Обескровленные

Реклама
SEO sprint - максимальная раскрутка сайтов!
Block title
Статистика
Онлайн всего: 1
Гостей: 1
Пользователей: 0
Главная » Файлы » Армянском Языке » Шоу Бизнес
Մարիա Կոզետ
19/01/2011, 14.16.47
"Ոտքից գլուխ հայ եմ”

Մարիա Կոզետը այս ամառ առաջին անգամ Հայաստան եկավ ու իրեն "տանը” զգաց: Ամերիկահայ երգչուհին արդեն պլանավորում է երեւանյան իր մենահամերգը: Արթուր Մեսչյանի արվեստը գնահատող Մարիան Bravo.am-ին ասաց` իր երաժշտական ոճը էմոցիոնալ փոփն է: Նրա արձագանքը պակաս էմոցիոնալ չէ, երբ հարցը վերաբերում է ընտրյալի ոչ հայ լինելուն:


Մարիա Կոզետ. "Ոտքից գլուխ հայ եմ”

- Մեկ ամսական ես եղել, երբ Հայաստանից մեկնել եք: Ի՟նչ ես կարծում, Երեւանում ծնվելդ կյանքիդ, ճակատագրիդ վրա ազդեցություն ունի:

- Հպարտ եմ, որ Հայրենիքում եմ ծնվել:

- Մարիա Կոզետ հայերեն չի հնչում: Կոզետն ի՟նչ է ասում քո մասին:

- Հակոբյան եմ, իսկ Կոզետը երկրորդ անունս է: Այն հանճարեղ Վիկտոր Հյուգոյի "Թշվառներ” վեպի դրական կերպարներից մեկն է: Կոզետ նշանակում է "հաղթող Ժողովուրդ”:

- Առաջին անգամ 5 տարեկանում ես բեմ բարձրացել: Ի՞նչ առիթով եւ ո՞րն էր հնչեցրածդ ստեղծագործությունը:):

- Կատարել եմ "Նապաստակ” երգը` մանկապարտեզի տարեվերջյան հանդեսին: Այդ օրվանից ես Լոս-Անջելեսում հռչակվեցի որպես հայ Շիրլի Թեմփլ` բոլոր ժամանակների ամենահայտնի երեխա "աստղը”. ամերիկացի դերասանուհի, երգչուհի, ով վեց տարեկանում "Օսկար”-ի է արժանացել:



Ամերիկահայ երգչուհին արդեն պլանավորում է երեւանյան իր մենահամերգը

- Երաժշտությունն ու բեմը ինչո՟վ քեզ գայթակղեցին, որ հիմա նշում ես` առանց երգի կգժվես:

- Բեմին շատ հանգիստ եմ զգում, երգելն էլ ինձ համար խոսելուց ավելի հաճելի է: Յուրաքանչյուր մարդ առանց երգի եւ երաժշտության կմահանա, ուստի վերոնշյալ արտահայտությանս մեջ զարմանալի ոչինչ չկա:

- Գիտենք, որ երգչուհի ես: Կենսագրությանդ մյուս հետաքրքիր կողմերին կծանոթացնե՟ս:

- Սիրում եմ բարեգործական դրամահավաք միջոցառումների մասնակցել: Չորս տարեկանից միշտ ելույթ եմ ունեցել ծերանոցներում եւ մանկատներում: Եթե իմ երգով կարող եմ օգնել, միշտ սրտանց եւ ուրախությամբ մասնակցում եմ: Փոքր հասակից բեմերում եմ. երաժշտություն, պար, թատրոն: Պարարվեստի դպրոց եմ հաճախել, որպես լրագրող էլ եմ հանդես եկել եւ հեռուստատեսությամբ բազմաթիվ ելույթներ ունեցել:

- Նշի հայուհի լինելդ շեշտող երեք կետ:):

- Մի նախադասություն կասեմ` ոտքից գլուխ հայ եմ:


"Բեմին շատ հանգիստ եմ զգում, երգելն էլ ինձ համար խոսելուց ավելի հաճելի է”. Մարիա Կոզետ

- Նաեւ ասա` ավանդապահ հայ աղջիկների ո՞ր հատկանիշները չես սիրում:):

- Հայուհիների ավանդապահության շնորհիվ է, որ հայ ազգը հարատեւում է:

- Ի՟նչ ոճում ես հանդես գալիս:

- Դա յուրահատուկ ոճ է, որը ես կոչում եմ էմոցիոնալ փոփ:

- Հեղինակ-կատարող ես, ի՟նչ թեմաներով եւ հիմնականում ի՞նչ լեզվով ես ստեղծագործում:

- Փոքր ժամանակ միայն ազգագրական երգեր եմ երգել, որ միշտ հնչել են իմ ընտանիքում: Դրանք այնպիսի ոգեւորիչ երգեր են, որ մղում են հրացան վերցնել եւ պատերազմ գնալ: Թեեւ անգլերենով եմ մտքերս արտահայտում եւ երգեր գրում, բայց դրանցում հայ ոգին միշտ կա ու կլինի:


Երգչուհին սիրում է բարեգործական դրամահավաք միջոցառումների մասնակցել

- Արթուր Մեսչյանի երաժշտությունն ես քեզ հոգեհարազատ համարում, այո՟: Հաճա՞խ ես լսում մաեստրոյին:

- Նրան շատ-շաաաաաատ եմ հավանում: Մեսչյանը առաջին հերթին փիլիսոփա է, հոյակապ արվեստագետ: Հայրենիքի մասին շատերն են երգում, բայց ոչ ոք չի հասնի Մեսչյանին: Շատ հաճախ եմ իրեն ունկնդրում:

- Նոյեմբերի 11-ին առաջին ձայնասկավառակիդ շնորհանդեսն էր: Հատո՞ւկ էիր ընտրել նշման օրը: "Born Ready”-ի "բաղադրատոմսը” ներկայացրու:):

- Միացյալ Նահանգներում 11.11-ը երջանիկ թիվ է համարվում, դրա համար միջոցառումը տասնմեկերորդ ամսի տասնմեկին կայացավ:): "Born Ready” նշանակում է` պատրաստ արվեստի եւ բեմերի: Դա փաստում է այն, որ իմ բոլոր երգերի բառերն ու երաժշտությունը ես եմ գրում: Նաեւ համապրոդյուսերս եմ:):


Երգչուհին չորս տարեկանից միշտ ելույթ է ունեցել ծերանոցներում եւ մանկատներում


- Ամռանը Երեւանում էիր: Արդյոք առաջի՞ն այցդ էր եւ ի՞նչ նպատակով էիր ժամանել:

- Օգոստոսի 22-ին Երեւանում էի 18 օրով: Եկել էի նրա համար, որ տեսնեմ երկար տարիներ երազածս հայրենիքը, ինչպես նաեւ Հայաստանի երիտասարդությանը ծանոթացնեմ իմ երաժշտության հետ:

- Հայաստանի մայրաքաղաքում ի՞նչը դարձավ քեզ ամենից շատ հարազատ, հիմա ի՞նչն ես կարոտում, եթե, իհարկե, կարոտում ես:):

- Երեւանում ինձ համար ամենահարազատ հանգամանքն այն էր, որ բոլորը հայ էին, հայերեն էին խոսում: Ինձ թվաց` միշտ այդտեղ եմ ապրել ու երբեւէ հեռու չեմ եղել:):

- Ծնողներդ ի՟նչ էին խնդրել, որ Հայաստանից իրենց տանեիր:

- Էջմիածնում օրհնված խաչեր եւ մոմեր:

- A Chilla-ն էլ է քեզ պես Լոս-Անջելեսից: Վերադարձել է Երեւան, այստեղ է ստեղծագործում, կարիերայով զբաղվում: Դու նման ցանկություն ունե՟ս:

- Իմ կարիերայի համար բոլոր պայմանները Միացյալ Նահանգներում են: A Chilla-ն կիրթ երիտասարդ եւ բարեկիրթ անձնավորություն եւ լավ ընկեր է: Վստահ եմ` Հայաստանում ապրելու եւ ստեղծագործելու նրա կայացրած որոշումը ճիշտ քայլ է: Կարոտում եմ քեզ, Նարեկ:


- Ավելի ճիշտ, Երեւան հարս կգա՟ս: Ամուսնացած չես, երեխաներ չունես, պարտադի՟ր է, որ ընտրյալդ հայ լինի:

- Նման բաները անհնար է կանխորոշել: Դա ճակատագրի եւ սիրո հարց է: Բայց սիրելիս անպայման հայ պետք է լինի:

- Լոգոդ կներկայացնե՞ս:

- Այն թագի տեսքով է: Գաղափարն այն է, որ իմ երաժշտական կարիերայում ցանկանում եմ հասնել գագաթնակետին:):

- Հայաստանում համերգ տալու ցանկություն ունես, ե՞րբ ես պլանավորում այն ի կատար ածել:

- Հուսով եմ` մոտ ապագայում երազանքս կիրագործեմ ու հայրենիքումս մենահամերգ կտամ: Միացյալ Նահանգներում երկրպագուներ շատ ունեմ, բայց քո ժողովրդի սերն ու գնահատականը կարեւորագույնն է եւ գագաթնակետը. գոնե ինձ համար:

Категория: Шоу Бизнес | Добавил: Администратор
Просмотров: 516 | Загрузок: | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]